Bateristi amerikan Taylor Hokins, fitues i shumë çmimeve muzikore me grupin ‘Foo Fighters’ ka ndërruar jetë në moshën 50-vjeçare, njoftonte grupi i tij. "Familja e Foo Fighters është e shtangur nga vdekja tragjike dhe e parakohshme e Taylor Hokins," thuhej në njoftim. "Fryma e tij muzikore dhe e qeshura infektuese do të jetojë me ne përgjithmonë”, thanë kolegët e tij. Njoftimi vjen teksa grupi do të luante në festivalin Estereo në kryeqytetin kolumbian Bogota, por nuk përmendet shkaku i vdekjes. Stafi i hotelit kishte njoftuar shërbime e emergjencës pasi Hokins nisi të ankohej nga dhimbje të forta në gjoks por kur mbërritën mjekët muzikanti kishte vdekur. Dhjetra fansa dhe gazetarë nisën të mblidheshin pranë hotelit ku ai po qëndronte. Disa prej tyre ndezën qirinj. Ambulancat dhe makinat e policisë shiheshin jashtë hotelit teksa trupi i Haëkins nxirrej jashtë nga mjekësia ligjore. Haëkins, ishte i martuar me Alison dhe ishte baba i dy fëmijëve Oliver e Annabelle. ai ndërroi jetë teksa ishte në turne muzikor në Amerikën Jugore me grupin.