Marina amerikane ka shpëtuar një ekuipazh me pesë veta me origjinë iraniane të lënduar gjatë një shpërthimi që ndodhi në varkën e tyre dhe konfiskoi pako me lëndë narkotike. “Stafi i marinës amerikanë shpëtoi pesë lundërtarë pasi një zjarr shpërtheu në kabinën e varkës së tyre, e cila po transporte drogëra të paligjshme në Gjirin e Omanit” – ishte deklarata nga zyrtarët amerikanë. Dy nga pesë të shpëtuarit ishin nga Irani dhe u transportuan me helikopter drejt Omanit për trajtime mjekësore, ndërsa tre të tjerët u dërguan për tu riatdhesuar. Ata kishin më shumë së dy ton drogë me vlerë 14.7 milionë dollarë. Sasia përfshinte 1 745 kg hashash, 500 kg metafetaminë dhe 30 kg heroinë. Sirocco është pjesë e Task Forcës së Kombinuar të Bahreinit, e cila është nën direktoratin e Forcave të Kombinuara Detare ku përfshihen mbi 34 shtete, që patrullojnë mbi 3.2 milion milje katrorë ujëra. Aleanca është shprehur se më herët gjatë këtij muaji kanë sekuestruar mbi 67 ton drogë me vlerë mbi 189 milion dollarë në operacione përgjatë Gulfit.