Me argumentin se rezultatet e testeve klinike tregojnë që vaksina e tyre është e sigurtë dhe pranohet mirë nga kjo grupmoshë duke nxitur një përgjigje imunitare të fuqishme, kompanitë Pfizer dhe BioNTech kërkuan miratimin e rregullatoreve për vaksinimin e fëmijëve të moshës nga 5 deri në 11 vjeç. Sipas dy firmave, vaksina do të injektohet me një dozë më të ulët se ajo që jepet për personat 12 vjeç e lart. "Rezultatet janë një bazë e fortë për të kërkuar autorizimin e vaksinës sonë për fëmijët 5 deri në 11 vjeç dhe ne planifikojmë ta dorëzojmë kërkesën me urgjencë në FDA (Administrata e Ushqimit dhe Barnave në SHBA) dhe rregullatorët e tjerë", tha kreu Ekzekutiv i Pfizer, Albert Bourla, sipas të cilit që nga muaji korrik, rastet e fëmijëve me COVID-19 janë rritur me rreth 240 për qind në SHBA-duke nënvizuar nevojën e për vaksinim. Më vonë këtë vit këto kompani do të shpallin edhe rezultatet e testimit të vaksinës për fëmijët nën moshën pesë vjeç. Zyrtarët kryesorë shëndetësorë amerikanë besojnë se rregullatorët mund të marrin një vendim brenda tre javësh nga paraqitja e kërkesës për autorizim nga kompanitë, thanë dy burime për Reuters.