Ushtarët izraelitë kontrollonin sot punëtorët palestinezë para se t’i lejonin të kalonin në Bregun Perëndimor pasi gjashtë palestinezë u arratisën nga një burg izraelit. Të burgosurit palestinezë u arratisën nga burgu izraelit i Shawshank, duke u zvarritur në një tunel që zbuluan rastësisht në një lavaman. Kreu i policisë Arik Yaakov tha për mediat vendase: “Nuk ishte një tunel që ata e gërmuan vetë. Kishte një gabim në ndërtesë. Kishte një hapësirë që u shfrytëzua nga të burgosurit”. Rojet e burgut po merreshin në pyetje per te pare nese janë te përfshirë në arratisje, thanë autoritetet. Ata shtuan se të burgosurit e arratisur përfshinin dhe Zakaria Zubeidi, një udhëheqës militant nga tokat e pushtuara të Bregut Perëndimor, si dhe anëtarë të lëvizjes Xhihadi Islamik. Policia dhe ushtria e vendit kanë nisur një operacion të gjerë kërkimi me qen nuhatës, dronë e helikopterë. Ndërsa mediat vendase thonin se të larguarit mund të kenë arritur në Bregun Perëndimor ose në kufirin me Jordaninë që është vetëm nëntë milje nga lindja.