Franca ka dërguar ushtrinë për ndihmë në territorin e saj të Karaibeve, Martinique, ku protestuesit anti-vaksina e anti-qeveri kanë djegur ndërtesa e bllokuar rrugët. Protestat nisën shpejt pas atyre në ishullin fqinjë Guadeloupe, kur qeveria urdhëroi vaksinimet e detyruara për punonjësit e shëndetësisë. Në ishuj ka ardhur ministri francez për territoret e jashtme Sebastien Lecornu. Ai tha për gazetarët se negocjatat me protestuesit janë bllokuar te çështja “e domosdoshme” që “sindikatat e punëtorëve të dënojnë dhunën e protestave”. Trazirat u përhapën nga Guadalupe në ishullin fqinjë Martinik, të dyja në sovranitet të Francës dhe tashme në regjim shtetrrethimi. Territoret kanë rreth 400,000 banorë të goditur nga papunësia, varfëria dhe rritja e çmimeve. Kreu i sindikatës më të madhe të Guadeloupe, tha se kërkesat e tyre janë ndalimi i vaksinimeve të detyruara, dhe jo dënime të protestuesve.