Një ceremoni ushtarake u mbajt sot në kryeqytetin Kiev për të nderuar kapitenin Anton Sidorov, një nga viktimat e para të rinisjes së dhunës në zonën lindore Donbas. Ministri i mbrojtjes Oleksi Reznikov, i bëri homazh të rënit. "Në emër të gjithë njerëzve dua të falenderoj zotin Anton që mbrojti vendin me veten e tij.” “Dua të falenderoj prindërit, nënën e tij Natalia Valentinivna, që rriti një djalë të tillë, i cili dha gjënë më të çmuar që kishte, jetën e tij." Oficeri Oleksandr Levchenko gjithashtu foli për humbjen e rëndë të kolegut. "Ne i mbrojtëm këto qytete krah për krahu. Kjo është një humbje e madhe për mua, për shokët tanë ushtarakë, për të gjithë”, tha ai. Levchenko tha se ishte i shqetësuar për popullin në zonat pranë frontit të përplasjeve, ushtria e banorët e të cilave kanë mbrojtur të gjithë vendin. "Ushtria dhe njerëzit pranë pushtimit rus jane goditur me artileri por ne nuk mund të kundërpërgjigjemi. Më vjen keq për djentë atje pasi falë tyre ne jetojmë në paqe këtu”.