Mbi 500 dronë ukrainas kanë sulmuar territorin rus gjatë natës, në një nga operacionet më të mëdha ajrore që prej nisjes së luftës. Autoritetet ruse konfirmuan se të paktën tre persona humbën jetën në zonat përreth Moskës, ndërsa mbrojtja ajrore pretendon se ka neutralizuar qindra mjete fluturuese. Sipas Ministrisë ruse të Mbrojtjes, sistemet ajrore rrëzuan 556 dronë në disa rajone, përfshirë edhe kryeqytetin rus. Sulmi vjen vetëm pak ditë pasi presidenti ukrainas, Volodymyr Zelenskyy, paralajmëroi hakmarrje pas sulmit rus ndaj Kievit, ku mbetën të vrarë 24 persona. Përplasjet mes Moskës dhe Kievit janë shtuar pas shkëmbimit të fundit të të burgosurve dhe përfundimit të armëpushimit tre-ditor të martën, duke sinjalizuar një tjetër fazë përshkallëzimi të konfliktit.