Presidenti Donald Trump, përshkallëzoi sot kërcënimet e tij kundër fqinjit të Amerikës në veri, pasi Kanadaja i është përgjigjur kërcënimeve tarifore të Trump duke thënë se do të ndërpresë energjinë elektrike për shtetet që furnizon. Në një postim të “Truth Social”, Trump vuri në pikëpyetje pse Shtetet e Bashkuara lejojnë Kanadanë të furnizojë me energji elektrike disa shtete në radhë të parë dhe tha se kombi kanadez do të paguajë një “çmim financiar” të madh për përdorimin e energjisë elektrike për amerikanët si një “kartë pazaresh”. “Pse vendi ynë lejon një vend tjetër të na furnizojë me energji elektrike, qoftë edhe për një zonë të vogël? Kush i mori këto vendime dhe pse? Dhe a mund ta imagjinoni Kanadanë të bie aq poshtë sa të përdorë ENERGJINË ELEKTRIKE, që ndikon kaq shumë në jetën e njerëzve të pafajshëm, si mjet pazaresh dhe kërcënim? Ata do të paguajnë një çmim financiar për këtë aq të madh sa do të lexohet në Librat e Historisë për shumë vite në vijim!”, shkroi Trump në Truth Social. Më herët, Trump vazhdoi të tallte Kanadanë se do të bëhej shteti i 51-të, nëse kanadezët duan të shohin zhdukjen e tarifave, duke e paraqitur atë si një mundësi për ta për të ulur taksat dhe siguri më të fortë ushtarakisht dhe në kufi. “Kanadaja paguan shumë pak për Sigurinë Kombëtare, duke u mbështetur në Shtetet e Bashkuara për mbrojtjen ushtarake. Ne po subvencionojmë Kanadanë në shumën prej më shumë se 200 miliardë dollarë në vit. PSE??? Kjo nuk mund të vazhdojë. E vetmja gjë që ka kuptim është që Kanadaja të bëhet shteti ynë i dashur i 51-të. Kjo do të bënte që të gjitha tarifat dhe gjithçka tjetër të zhdukeshin plotësisht”, tha presidenti amerikan.