Presidenti amerikan Donald Trump deklaroi të mërkurën se marrëveshja e arritur mes Shteteve të Bashkuara dhe Iranit nuk duhet konsideruar ende përfundimtare, duke paralajmëruar se Uashingtoni mund t’i rikthehet veprimeve ushtarake nëse nuk është i kënaqur me rezultatin e negociatave. Duke folur gjatë samitit të G7-s në Francë, Trump tha se SHBA-ja do të “kthehet te hedhja e bombave” në rast se marrëveshja finale nuk përmbush pritshmëritë amerikane. Deklarata vjen vetëm dy ditë para takimit të planifikuar mes delegacioneve amerikane dhe iraniane në Zvicër, ku pritet të nënshkruhet dokumenti i dakordësuar. Në të njëjtën kohë, CNN ka siguruar një draft të marrëveshjes mes SHBA-së dhe Iranit, i cili parashikon fundin e konfliktit, rihapjen e Ngushticës së Hormuzit, lehtësimin e sanksioneve ndaj Teheranit dhe garancinë iraniane se nuk do të prodhojë armë bërthamore.