Një ceremoni përkujtimore për aktivistin politik konservator Charlie Kirk u zhvillua në në Arizona të SHBA. Kirk u qëllua për vdekje gjatë një aktiviteti në një universitet të Utah më 10 shtator. Midis personave që ju drejtuan të pranishmëve në stadiumin State Farm në Glendale, Arizona, ishin presidenti i SHBA-së Donald Trump, Zëvendëspresidenti JD Vance, bashkëshortja e Kirk, Erika, dhe figura të tjera të shquara nga politika konservatore amerikane. Të ftuar e profilit të lartë, përfshnin edhe biznesmenin Elon Musk. Kirk, 31 vjeç, ishte një figurë e shquar brenda së djathtës amerikane dhe u vlerësua gjerësisht për tërheqjen e amerikanëve të rinj. Ai kërkoi të përhapte mesazhe konservatore përmes një përzierjeje platformash të mediave sociale. Dhjetëra mijëra vetë mbushën stadiumin e Arizonës për këtë ceremoni, pasi qëndruan në radhë për orë të tëra për të hyrë. Shumë kishin veshur rroba me flamurin amerikan, bluza me fotografi të Kirk dhe stemën e Make America Great Again. Tyler Robinson, 22 vjeç është akuzuar për vrasjen e Kirk. Folësit në këtë ceremoni përkujtimore, përfshinin edhe figura nga Turning Point, organizata që themeloi Kirk.