Një fermer belg rrezikoi të shkaktonte një incident diplomatik me atë që atij vetë i dukej një veprim i pafajshëm. Duke qenë se traktori nuk kalonte dot në një rrip toke të ngushtë, burri vendosi të spostonte me 2 metra e 29 centimetra kufirin mes rajonit francez Bousignies dhe atij belg Montignies. Në këtë mënyrë, hyri në territor francez, cka në kushte të tjera mund të përceptohej si “pushtim”. Dhe ndoshta episodi mund të mos ishte zbuluar po të mos kishte qenë për një të apasionuar pas historisë së zonës, i cili duke shëtitur nëpër pyjet e saj vuri re se guri që shënonte kufirin mes dy vendeve, ishte levizur. Për fat të mirë, ngjarja e pazakontë u mbyll pa incidente, por nuk mungoi ironia nga të dyja palët. “ E bëri Belgjikën më të madhe dhe Francën më të vogël, nuk është aspak ide e mirë”, komentoi David Lavaux, kryebashkiaku i fshatit belg Erquelinnes në televizionin francez TF1. Kufiri mes Francës dhe Belgjikës, i gjatë 620 km, u caktua në bazë të Traktatit të Kortrijk, firmosur në 1820, pesë vjet pas mposhtjes së Napoleonit në Vaterlo.