Një përleshje e përgjakshme ndodhi brenda burgjeve greke, rasti i dytë brenda 24 orëve të fundit. Pas ngjarjes në Nigrita Serres, ku dy të burgosur shqiptarë plagosën dy të tjerë romë, një tjetër është shënuar në Burgun e Domokos. Një 41-vjeçar shqiptar po trajtohet në Spitalin e Përgjithshëm të Lamisë pas një sherri me thikë me disa të burgosur të tjerë. Ngjarja ka ndodhur mes 41-vjeçarit shqiptar, 32-vjeçarit sirian dhe një 30-vjeçari algjerian. 32-vjeçari dyshohet se ka përdorur një thikë, ndërsa dy të tjerët nuk kishin armë. 41-vjeçari ka pësuar një dëmtim në kokë nga përleshja, ndërsa të tre janë arrestuar. Pas përleshjes u bë një kontroll i gjerë nga oficerët e burgut në qeli, ku u zbulua një thikë metalike, një thikë e improvizuar dhe një mjet tjetër i mprehtë i improvizuar. Të gjitha sendet e mësipërme janë sekuestruar, ndërsa të arrestuarit akuzohen rast pas rasti për shkelje të ligjit për armët dhe lëndime të rrezikshme trupore.