Asambleja e Përgjithshme e Kombeve të Bashkuara i ka dhënë sërish një goditje diplomatike Rusisë, me një votë masive që i bën thirrje Rusisë të ndalojë luftën e saj ndaj Ukrainës, ndërkohë që parashikon edhe më shumë mbrojtje për civilët. 140 vende votuan pro, pesë kundërshtuan dhe 38 abstenuan rezolutën e thirrur nga Shtetet e Bashkuara dhe shumë vende të tjera. 5 vendet që votuan kudnër ishin rusia, siria, korea e veriut, eritrea dhe bjellorusia. Disa javë më parë, 141 vende mbështetën një rezolutë që dënon pushtimin e Rusisë. Edhe pse jo detyruese, rezolutat e Asamblesë së Përgjithshme kanë peshë politike. Të mërkurën, ambasadorja e SHBA-së në Kombet e Bashkuara Linda Thomas-Greenfield u tha vendeve anëtare të Asamblesë së Përgjithshme të OKB-së se duke votuar në favor të rezolutës ata "po votojnë për fundin e luftës.” Asambleja e Përgjithshme dëgjoi fjalimet mbi situatën humanitare në Ukrainë të mërkurën dhe të enjten.