Banksy ka zbuluar veprën e tetë të artit në koleksionin e tij me temë kafshësh në Londër, një siluetë të një rinoceronti që duket sikur po ngjitet në majë të një makine. Artisti i rrugës ka postuar vepra arti në Instagramin e tij rreth orës 13:00 çdo ditë që nga e hëna e 5 gushtit. Vepra e tij e parë ishte një dhi dhe u pasua nga silueta elefantësh, majmunësh, një ujku, pelikani dhe një mace, si dhe vepra arti të piranjave, të cilat janë shfaqur të gjitha në vende të ndryshme anembanë Londrës. Dizajni i tij i fundit i grafitit, i vendosur në Westmoor Street në Charlton, është i pozicionuar në anë të një ndërtese dhe është projektuar që të duket sikur kafsha po ngjitet në një makinë të parkuar pranë pronës. Të dielën, artisti i rrugës konfirmoi se ishte pas veprës së artit me piranjat në një kabinë policie, që policia e qytetit tha se do ta zhvendosë në një vend më të sigurt dhe se po shqyrton mundësitë për mos ta dëmtuar veprën. Vepra e gjashtë e artistit, një mace që shtrihej në një billbord reklamash të zbrazët u hoq nga vendndodhja e saj në veriperëndim të Londrës disa orë pasi u zbulua të shtunën. Ajo çmontua nga tre burra të cilët thanë se ishin "punësuar" nga një "kompani kontraktuese" për të hequr tabelat për arsye sigurie. Ndërsa piktura e një ujku në një pajisje satelitore u hoq nga çatia e një ndërtese në jug të Londrës, më pak se një orë pasi u zbulua. Një zëdhënës i Banksy tha për se artisti nuk ka lidhje me zhvendosjen e veprës dhe se nuk ka njohuri për vendodhjen e pajisjes.