Top Channel/Sulmi ndaj centralit atomik, Putin:Ishte provokim!Rusët “shpërthejnë” kundër presidentit

Përpjekjet për ta bindur Vladimir Putinin t`i jape fund mësmyjes, vazhdojnë intensivisht. Presidentit rus i telefonoi edhe shefi i Elizesë, Emmanuel Macron, i cili këmbënguli me forcë të mbyllen sa më parë luftimet dhe të garantohet në mënyrë të vecantë siguria e komplekseve bërthamore, kompromentimi is ë cilës nuk do të përbënte rrezik vetëm për Ukrainën por për të gjithë Europën. Putini i është kthyer homologut francez me fjalët: “Rusia do t`i arrijë qëllimet e saj ose me negociata, ose me luftë”. Sa për incidentin në kompleksin më të madh atomik europian, atë të Zaporizhjas, kreu i shtetit rus e kishte dhe për këtë gati përgjigjen: Ishte një provokim i radikalëve ukrainas, i tha ai homologut francez, teksa Ukraina fajësoi hapur trupat ruse për goditjen krejtësisht të pamatur te kompleksit. Kremlini u përpoq të tregonte se personel rus dhe ukrainas po punojnë së bashku tani për të garantuar sigurinë e centralit, kur sipas tij, nivelet e rrezatimit tashmë janë sërish normale. Pamjet: AFP