Një tjetër stuhi rëre mbuloi të hënën Irakun duke i dhënë qytetit një pamje në portokalli e duke bërë që të paktën 2,000 njerëz të shtroheshin në spital me probleme të frymëmarrjes. Stuhia çoi edhe në mbylljen e aeroporteve, shkollave dhe zyrave publike në të gjithë vendin. Kjo është stuhia e tetë e rërës që nga mesi i prillit që godet Irakun, i cili po vuan nga degradimi i tokës, thatësirat intensive dhe reshjet e pakta të shiut të lidhura me ndryshimin e klimës. Objektet shëndetësore nga ana tjetër mbetën të hapura për të ndihmuar ata që janë më në rrezik, duke përfshirë të moshuarit dhe njerëzit që vuajnë nga sëmundjet kronike të frymëmarrjes dhe sëmundjet e zemrës. Autoritetet në shtatë nga 18 provincat e Irakut, përfshirë Bagdadin, urdhëruan mbylljen e të gjitha zyrave qeveritare.