Dy persona akuzohen për spiunazh për Kinën në Angli. Sipas Policisë Metropolitane, 32-vjeçari Christopher Berry nga Oxfordshire dhe 29-vjeçari Christopher Cash nga Londra, kanë ofruar informacione për Kinën. Dyshohet se Berry e ka kryer këtë vepër nga 28 dhjetorit 2021 deri në 3 shkurt 2023, Cash nga 20 janari 2022 deri në 3 shkurt 2023. Sipas akuzës, "për një qëllim që dëmton sigurinë ose interesat e shtetit, ata kanë mbledhur, regjistruar, publikuar ose komunikuar personave të tjerë artikuj, shënime, dokumente ose informacione, të dobishme për një armik”. Edhe në Gjermani, tre shtetas gjermanë që dyshohet se punojnë për një shërbim sekret kinez ranë në pranga. Ata akuzohen për transmetimin e të dhënave për teknologjinë ushtarake. Thomas R. ishte agjent i një punonjësi të shërbimit të fshehtë në Kinë dhe kishte marrë informacione për teknologjitë inovative të përdorshme ushtarakisht, në emër të Kinës. Për ta bërë këtë, ai përdori çiftit Herwig dhe Ina F., të cilët drejtojnë një kompani në Düsseldorf. Kompania shërbeu si një mjet për të vendosur kontakte dhe për të bashkëpunuar me përfaqësues të shkencës dhe kërkimit gjerman. Sipas autoriteteve, rreziku që paraqet spiunazhi kinez në fushën e biznesit, industrial dhe shkencor është në qendër të vëmendjes.