Ministrja për Europën dhe Punët e Jashtme e Shqipërisë, Elisa Spiropali, mori pjesë në konferencën e Ministrave të Jashtëm të Bashkimit Europian dhe vendeve anëtare, e zhvilluar në New York, për të shprehur mbështetjen ndaj Estonisë pas shkeljes së hapësirës ajrore nga avionë luftarakë rusë më 19 shtator. Në këtë takim të rëndësishëm, ku mori pjesë edhe kryediplomatja europiane Kaja Kallas, u rikonfirmua uniteti i komunitetit ndërkombëtar në dëmtimin e veprimeve të Rusisë, të cilat u cilësuan si të pamatura, të rrezikshme dhe të papranueshme. "Ne jemi këtu sepse ky incident shqetëson jo vetëm Estoninë, por gjithë komunitetin ndërkombëtar. Këto veprime të Rusisë janë të pamatura, të rrezikshme dhe të papranueshme, dhe nuk duhen toleruar", thuhet në deklaratën e Ministrave të Jashtëm. Spiropali iu bashkua thirrjes së kryediplomatëve që komuniteti ndërkombëtar të qëndrojë i vendosur kundër çdo shkeljeje flagrante të kartës së OKB-së.