Pas votimit të Asamblesë së Përgjithshme të Kombeve të Bashkuara këtë muaj për të drejta të zgjeruara për palestinezët në OKB, ata ndodhen tani përparaë një hapi tjetër të rëndësishëm diplomatic: Pesë vende europiane janë gati të njohin zyrtarisht Palestinën si shtet sovran, jo thjesht në shenjë solidariteti me popullsinë civile në Rripin e Gazës, por edhe për faktin që një hap i tillë konsiderohet si pozicionim në favor të zgjidhjes me dy shtete në konfliktin e Lindjes së Mesme, të cilën qeveria e Benjamin Netanyahut e refuzon. Edhe pse shumë vende nuk e mohojnë të drejtën e Izraelit për t`u mbrojtur pas sulmit terrorist të hamasit në 7 tetor, fushata e tij shpaguese ushtarake në Rripin e Gazës që ka marrë jetët e mbi 35 mijë civilëve e ka shkaktuar një katastrofë humanitare ne enklavë, është pasuar nga një valë indinjate duke rritur ndjeshëm presionin ndaj shtetit hebre në mbarë botën. Spanja dhe Irlanda javë në krye të përpjekjeve në BE për të ushtruar trysni të mëtejshme mbi Izraelin që të njohë Palestinën. Gjermania refuzon, por kryeministri spanjoll Pedro Sanchez është duke punuar për krijimin e një koalicioni shtetesh që e përkrahin këtë ide. Spanja ka lidhje të ngushta me shumë vende arabe, edhe Turqinë. Pjesërisht këto lidhje kanë mbetur që nga koha e diktaturës së Francisko Francos. Irlanda po kështu është shfaqur si mbështetëse e fortë e palestinezëve që në ditët e para të luftës në Rripin e Gazës, e po mbështetje për të cuar përpara projektin e njohjes së Palestinës ofrojnë edhe Sllovenia, Malta e Norvegjia.