Katër anëtarë të dyshuar të një grupi kriminal të trafikimit të parave nga Anglia drejt Shqipërisë janë arrestuar nga autoritetet britanike. Të dyshuarit u arrestuan më 13 prill në një seri bastisjesh të koordinuara që filluan me arrestimin e një shtetasi shqiptar 48-vjeçar. Përafërsisht 200,000 paund u sekuestruan në automjetin e tij, i cili ishte rrugës për në Shqipëri. Dy persona të tjerë, të moshës 34 dhe 22 vjeç, dhe një djalë 17-vjeçar u arrestuan në adresat në Tottenham Hale Londër, me rreth 150,000 paund në automjetin e tyre. Arrestimet vijnë pas një hetimi dy vjeçar. Hetimi filloi në shkurt 2022 pasi Forcat Kufitare ndaluan 48-vjeçarin në kontrollet e tunelit të Channel në Folkestone, Kent. Brenda furgonit të tij, i cili ishte nisur për në Tiranë, oficerët gjetën gjithsej 390,000 paund të mbështjella në pako të ndryshme. Shtëpia e të dyshuarit në Haringey Londër, u kontrollua dhe oficerët zbuluan 150,000 paund të tjera në para. 34-vjeçari ishte arrestuar më parë në shtator 2022, kur oficerët zbuluan mbi 20,000 paund në makinën e tij. Në gusht 2023, u sekuestruan edhe pwrafërsisht 44 mijë £ të tjera, të cilat besohej se ishin të destinuara për t’u transportuar nga grupi. Pamjet: AFP