SPAK përfundoi hetimin kundër një grupi të strukturuar kriminal që bënte trafikun e drogës nga porti i durrësit drejt italisë. Hetimi është kryer në bashkëpunim me policinë gjyqësore shqiptare dhe prokurorinë e Bergamos në Itali, mbështetur nga Eurojust dhe Europol. Si rezultat i hetimore të kryera në Itali dhe në Shqipëri është bërë e mundur që të zbulohet një grup kriminal që ka vepruar në Itali dhe në Shqipëri, që ka patur si qëllim tregtimin e lëndëve narkotike të llojit kokainë, heroinë dhe marijuanë. Eshte provuar tregtimi i 120 kilogram kokainë, 15 kilogramë heroinë shumë e pastër, si dhe 129 kilogramë marijuanë e 92 kilogramë hashash, të sekuestruara në Itali në disa episode të ndryshme. Grupi kishte nisur veprimtarinë në vitin 2015 kryesisht në Durrës, si dhe në qytete të ndryshme në Itali, si në Bergamo, në Breshia, në Milano, në Torino etj, vende ku është kryer transportimi dhe tregtimi i lëndëve narkotike. Grupi është krijuar dhe drejtohet nga shtetasit Gernard Beu, Emirjan Beu dhe Braniol Liço. Si pjesëmarrës në këtë grup kriminal, janë identifikuar 18 persona të tjerë. Spak tregon se shtetasit e pandehur Florid Vukaj, Lulzim Selimi, Dhimitër Nina, Dorian Beu, Syrjan Tola, Ramazan Grada, Igli Lala, Saimir Prenga, Rexhep Dallupi, Enkeleda Bakalli dhe Gjergji Luli, Alfred Luli, Ilir Duro, Françesko Çeçi, Lorik Prengaj, Gjergj Zefi, Renato Zefi dhe Eledjo Dedej janë akuzuar se kanë kryer veprat penale të shitjes së narkotikeve dhe grup kriminal. SPAK ka vendosur “Sekuestro preventive” ndaj pasurive të luajtshme dhe të paluajtshme në zotërim direkt dhe indirekt të drejtuesve të grupit kriminal, të pandehurve Braniol Liço, Gernard Beu dhe Emirjan Beu. Ato janë tre shoqëri tregtare dhe asetet e tyre, si dhe pesë anije peshkimi dhe automjete, si dhe apartamente me vlerë 1 milionë euro