Një grua ka vdekur mbrëmë në sheshxhiriin e një filmi të Hollywood, e qëlluar për vdekje nga aktori amerikan Alec Baldwin, thanë autoritetet, duke shtuar se një regjizor gjithashtu u plagos. Policia në SHBA tha se aktori shkarkoi armën gjatë filmimeve të një filmi ‘Western’ në të cilin duhet të ishin perdorur arme manovre të parrezikshme. Gruaja u dërgua me urgjencë në spital por nuk mundi t’i shpëtojë dëmtimeve, ndërsa regjisori i plagosur filmit po merr ndihmën mjekësore. Viktima, Halyna Hutchins, 42 vjeçe ishte duke punuar si drejtore e fotografisë së filmit. Ajo kishte studiuar gazetari në Kiev dhe kinematografi në Los Angeles. Revista American Cinematografer në 2019 e cilësonte atë si një yll në rritje. Policia është duke hetuar rreth ngjarjes të ndodhur në territoret Bonanza Creek, një vend mjaft popullor për filmat e panorameve të shkretëtirës.