Përplasja publike me Donald Trump dhe kërcënimet për pasoja që do të shkundnin edhe financat e tij, duket nuk e patën këtë efekt mbi Elon Musk, pasuria e të cilit në fakt ka vazhduar të rritet dhe tani, shefi i Teslas është bërë zyrtarisht gjysmë triliarderi i parë në botë! Pasuria neto e manjatit llogaritet tani në më shumë se 500 miliardë dollarësh, pasi vlera e kompanisë së makinave elektrike dhe bizneseve të tjera të tij pësoi rritje të ndjeshme gjatë këtij viti. Kjo rritje, nga sa dëshmoi indeksi i miliarderëve të Forbes, u nxit nga një rimëkëmbje e aksioneve të kompanisë së automjeteve elektrike dhe vlerësimet në rritje të startup-eve të tjera të sipërmarrësit të teknologjisë. Krahas Teslës, muajt e fundit kanë pasur një zhvillim pozitiv si startup-i i tij i inteligjencës artificiale xAI ashtu edhe kompania e raketave SpaceX. Bordi i Tesla-s ndërkohë në shtator pati propozuar një plan kompensimi prej 1 trilion dollarësh për Musk, duke nënvizuar kontrollin që ai ka mbi prodhuesin e makinave mes përpjekjeve për trasnformim në një fuqi të inteligjencës artificiale dhe robotikës. Person ii dytë më i pasur në botë tani, sipas Forbes, është themeluesi i Oracle, Larry Ellison, me një pasuri prej rreth 350.7 miliardë dollarësh.