Departamenti amerikan i Shtetit reagoi ashpër ndaj planeve ruse për të bllokuar disa pjesë të Detit të Zi, duke i cilësuar ato si "përshkallëzim të paprovokuar" të situatës. Një bllokim i tillë mund të bëjë që të pengohet hyrja në portet e Ukrainës. Ishte shtypi rusi ai që raportoi fillimisht se Moska ka ndërmend të ndërmend të mbyllë për 6 muaj disa pjesë të Detit të Zi për anijet e huaja ushtarake, cka do të krijonte ngërce të hyrjes në portet ukrainase në Detin Azov, i cili është i lidhur me Detin e Zi përmes ngushticës Kerç. Ngushtica ndodhet në lindje të gadishullit të Krimesë të aneksuar nga Rusia më 2014."Ky paraqet edhe një përshkallëzim tjetër të paprovokuar në fushatën e vazhdueshme të Moskës për të minuar dhe destabilizuar Ukrainën", deklaroi zëdhënësi i Departamentit të Shtetit, Ned Price."Ky zhvillim është veçanërisht shqetësues pas raportimit për grumbullimin e trupave ruse rreth kufijve të Ukrainës", shtoi ai. Këto kohë ka pasur një rritjes shqetësuese të pranisë ushtarake ruse në kufi me Ukrainën dhe Gadishullin e Krimesë, të dëshmuara këto edhe me foto, video e të dhëna të tjera. analistët mendojnë se veprimet e fundit të Rusisë mund të jenë test për administratën Biden dhe përkushtimin që ka ndaj Ukrainës. Bideni u përpoq ti ulte tensionet javën e kaluar kur i bëri thirrje homologut rus Vladimir Putin për një samit mes tyre në një shtet të tretë, edhe pse i tregoi se SHBA nuk do të ka për cdo rast frikë nga përballja.