Top Channel/Serbia ka shkaktuar tre luftra civile në Ballkan, gjenerali apel BE e SHBA: “Hapni sytë”

Ish-koloneli shqiptar, Dritan Demiraj, ka reaguar pas videos së ushtarëve serbë në Rashkë, e cila u bë virale. Përpara presidentit Aleksandar Vucic, ata kënduan këngë për marshim drejt Kosovës, cka nuk kaloi pa reagime. Përmes një statusi të gjatë në Facebook, Demiraj, që ka shërbyer në misione ndërkombëtare edhe në Lindje të Mesme dhe ka qenë pjesë e manovrave të NATO-s, tha se vizita e Vucicit në Kralevë për të vizituar xhandarmërinë serbe, fill pas ndërhyrjes së Policisë së Kosovës në luftën kundër kontrabandës së mallrave dhe krimit të organizuar është padyshim provokimi i radhës i tij ndaj botës së civilizuar.