Qyteti portual Odesa, u përfshi nga flakët të enjten vonë, pasi u godit nga një sulm në shkallë të gjerë me dron rus, disa orë pasi presidenti amerikan Donald Trump shprehu optimizëm për përfundimin e luftës dhe ndërsa bisedimet e paqes do të rifillojnë të hënën. Trump – i cili kohët e fundit zhvilloi telefonata të ndara me presidentin rus Vladimir Putin dhe udhëheqësin e Ukrainës Volodymyr Zelensky për zbatimin e një armëpushimi të pjesshëm – foli me optimizëm për arritjen e përfundimit të luftës të enjten, duke thënë se “ne po bëjmë shumë mirë në këtë drejtim”. Delegacionet nga Rusia dhe SHBA pritet të rifillojnë bisedimet për përfundimin e luftës të hënën në Arabinë Saudite, thanë zyrtarët e të dy vendeve, pas një raundi të mëparshëm bisedimesh në shkurt. Zelensky tha se një ekip nga Ukraina do të marrë pjesë gjithashtu, me takime paralele që ka të ngjarë të zhvillohen, dhe i kërkoi Putinit të "ndalojë kërkesat e panevojshme që vetëm e zgjasin luftën". Disa orë pasi Trump foli, Rusia nisi një sulm "masiv" me dron në Odesa, duke goditur objektiva civilë dhe duke plagosur të paktën tre persona, duke përfshirë një të mitur. Presidenti çek Peter Pavel ishte në qytetet për një vizitë në kohën e sulmit. sulmet ruse plagosën të paktën pesë të tjerë pranë qytetit jugor të Zaporizhzhia të enjten Gati 200 dronë goditën gjithashtu rajonin Kirovohrad në Ukrainën qendrore gjatë natës së të enjtes, duke plagosur 10 persona. "Sulmet ruse në Ukrainë nuk ndalen, pavarësisht pretendimeve të tyre propagandistike. Çdo ditë dhe çdo natë, lëshohen gati njëqind ose më shumë dronë, së bashku me sulmet e vazhdueshme raketore. Me çdo lëshim të tillë, rusët i ekspozojnë botës qëndrimin e tyre të vërtetë ndaj paqes," tha Zelensky të enjten në X.