Rusia nuk ndalet në Ukrainë; forcat e Moskës nisën një ofensivë befasuese tokësore në Kharkiv, gati dy vjet pasi ishin zbrapsur prej tij. Mësymja e ushtrisë ruse ka bërë që qindra njerëz të evakuohen me urgjencë nga zonat pranë kufirit rus në këtë rajon, ku vetëm 24 orët e fundit u bombarduan mbi 30 vendbanime. Presidenti i Ukrainës, Volodymyr Zelensky, u shpreh se një “betejë e ashpër” po zhvillohej në Harkiv.“Ne duket t’a ndalim patjetër ofensivën ruse dhe Ukraina ta marrë iniciativën”, ishte komenti i tij. Kharkivi ka qenë kryesisht nën kontrollin e Ukrainës prej shtatorit 2022. Rajoni verilindor ukrainas gjendet në kufi me Rusinë, dhe në periferi gjendet dhe kryeqyteti rajonal me po të njëjtin emër. Ky qytet ndodhet 25 kilometra nga vijat e frontit. Me një popullsi prej 1.4 milion banorësh – sipas të dhënave të popullsisë para se të niste lufta – Harkivi është qyteti i dytë më i madh i Ukrainës dhe një prej qyteteve në të rëndësishme ekonomike dhe industriale. Ai është po ashtu një ndër qytetet e para që u përball me sulmet ruse, pasi Moska e nisi pushtimin e Ukrainës në shkurt të vitit 2022. Kundërofensiva e suksesshme ukrainase shtatorin e atij vitit bër të mundur që pothuajse i gjithë rajoni të rikthehej nën kontrollin e Kievit. Por muajt e fundit, situata në terren po nisur të ndryshojë, me Rusinë që ka intensifikuar sulmet me dronë dhe raketa në këtë rajon dhe kryeqytetin e tij, teksa forcat ukrainase përballen me mungesë municionesh dhe të sistemeve të mbrojtjes ajrore.