Roja bregdetare greke ka publikuar pamje dramatike të shpëtimit të një gomoneje me emigrantë në brigjet e ishullit Kios pranë Turqisë. Athina fajësonte Turqinë për mbytjen me heret te katër të miturve të barkës, duke thënë se Ankaraja duhet të ndalojë trafikantët që nxjerrin njerëzit në det. Zyrtarët thanë se mes 22 të shpëtuarve ishin 14 burra, shtatë gra dhe një tjetër fëmijë. "Tragjikisht megjithë përpjekjet e rojës bregdetare greke, katër të mitur nga tre deri në 14 vjeç janë konfirmuar të vdekur”, tha ministri grek i emigracionit Notis Mitaraci. "Autoritetet turke duhet të bëjnë më shumë përpjekje për të parandaluar shfrytëzimin e emigrantëve nga bandat kriminale”, shtoi ai. Roja bregdetare tha se barka ishte nisur nga Turqia mes erërave të forta detare dhe asnjë prej emigrantëve nuk u ishte dhënë jelek shpëtimi nga trafikantët. Ata shtonin se megjithë kushtet e rënda të lundrimit barka ishte e tejmbushur çka solli dhe çarjen e pjesës së poshtme të saj. "Të shpëtuarit janë në shëndet të mirë dhe po marrin kujdesje në portin e Kios”, shtuan ata.