Një vullkan që ka shpërthyer sot në ishullin indonezian të Java, raportohet se ka errësuar diellin prej resë masive të hirit të lëshuar. Pamjet e publikuara tregonin njerëzit që jetojnë në rrëzë të vullkanit Semeru 3,700-metër i lartë, te cilët vraponin në panik prej tymit të zi që binte nga mali . Reja e hirit ishte ngritur 15,000 metra lart në ajër, duke sjellë paralajmërime për linjat ajrore që kalojnë në afërsi. Mediat vendase thonin se në zonën e shpërthimit hiri kishte bllokuar dritën e diellit. Një viktimë raportohej nga mediat vendase, teksa grupet e shpëtimit ishin nisur drejt njerëzve që kishin nevojë për ndihmë. Semeru është një vullkan aktiv në lindje të provincës Java. Ai ka regjistruar më shumë se 50 shpërthime prej vitit 1818, më i fundit në janar të ketij viti. Indonezia ndodhet në pjesën e njohur si “Unaza e zjarrit”, që është harku i pllakave tektonike të oqeanit Paqësor. Arqipelagu ka një popullsi prej 270 milionë njerëzish.