Personeli i ushtrisë së Madagaskarit vijon sonte rekuperimin e trupave të viktimave të barkës që u fundos në brigjet veriore të vendit, duke vrarë 85 njerëz. Një total prej 138 njerëzish ishin në bordin e barkës së drunjtë 12-metra të gjatë, nga të cilët janë shpëtuar vetëm 50. Anija e transportit të ngarkesave nuk supozohej të mbante pasagjerë. Ajo lundronte drejt Ivongo rreth 100 kilometra në jug, kur motori pësoi defekt dhe valët e përplasën në brigjet shkëmbore ku nisi të fuste ujë. Kryebashkiaku vendor Alban Menavolo, tha për rrejtin AFP se shumica e viktimave ishin punonjës sezonalë nga zonat rurale. "Ata kishin shkuar atje të mblidhnin tërfil... dhe po ktheheshin te familjet e tyre me paratë e fituara për festat e fund-vitit”, tha ai. Zhvillimi vjen teksa 37 vetë gjetën vdekjen sot nga flakët që përfshinë një traget në Bangladesh, me punetore që ktheheshin në shtëpi për festat.