Një grup i vogël individësh super të kamur mund të ndihmojë t`i jepet fund urisë nëpër botë, dhe për këtë nuk do të duhet të shpenzojnë vecse një fraksion të pasurisë së tyre thotë drejtori i Programit Botëror të Ushqimit në OKB. “Miliarderët duhet ta hedhin këtë hap tani dhe mjafton që dhurimi të bëhet një herë të vetme”, u shpreh David Beasley në një intervistë për Becky Anderson. Ai përmendi dy emra në vecanti: Jeff Bezos dhe Elon Musk. "6 miliardë dollarë mjaftojnë për të ndihmuar 42 milionë njerëz që rrezikojnë sot të vdesin urie. Nuk është e komplikuar," u shpreh ai. Shefi ekzekutiv i Tesla-s, Musk llogaritet të ketë një pasuri prej afro 289 miliardë dollarë, sipas Bloomberg. Kjo do të thotë se ajo qe kerkohet, është një dhurim prej vetëm 2% të pasurisë së miliarderit. Vlera neto e pasanikëve amerikanë pothuajse është dyfishuar që nga fillimi i pandemisë, duke mbërritur në 5.04 trilion dollarë në muajin tetor. Një "stuhi e përsosur" krizash përfshirë ndryshimet klimatike dhe pandeminë nënkupton se shumë kombe "po trokasin në derën e urisë", tha Beasley. Sipas një raporti të publikuar nga OKB të hënën, rreziku i urisë i kanoset aktualisht gjysmës së popullsisë së Afganistanit apo 22.8 milionë personave.