Pamje dramatike ajrore tregonin sot linja të gjata automjetesh të bllokuara gjatë natës në autostradën metropolitane në Uashington, SHBA. Stuhia e rëndë e dëborës në brigjet perëndimore të SHBA duket se ka marrë fund por pasojat në transport ende po shkaktojne kaos. Mes shoferëve të bllokuar ishte dhe një senator nga Virginia. Tim Kaine tha se autostrada ishte mbyllur prej dëborës dhe automjeteve të dala jashtë kontrolli. "Nisa dje rrugëtimin tim normal prej dy orësh drejt Uashington, por tani 19 orë më vonë akoma nuk i jam afruar ndërtesës së Kapitol," tha Kaine në një koment. Një tjetër shofere tha se kishte dalë nga shtëpia e saj në jug të Uashington kur ishte ndërprerë energjia elektrike. Ajo shtoi se nuk e dinte për bllokimin e autostradës deri sa mbeti në të. "Nuk e prisja të isha zgjuar në këtë orë, jam jashtë në dëborë dhe në një autostradë të bllokuar .... por gjithsesi gjërat mund të shkonin dhe më keq." Stuhia e të hënës duket se kapi të papërgatitur kryeqytetin amerikan, teksa 23 cm dëborë kishin ndaluar dhe ngritjen e avionit presidencial të Joe Biden.