Pas një dekade shërbimi Konti, qeni i policisë i specializuar në nuhtjen e parave të padeklaruara, del në pension dhe është vënë në shitje nga kujdestarët. Edhe rreth njëzet pastorë gjermanë po lirohen prej shkollës, ose prej moshës ose prej moskalimit të testimeve të pranimit. Pas rreth 10 vjetësh pune në aeroportin shqiptar Konti duket se mezi pret pensionin, të cilin do ta kalojë me kujdestarin e tij që tashme e ka adoptuar. Qeni 10-vjeçar është adoptuar nga stërvitësi i tij Ilir Balla i cili është zotuar të kujdeset për të deri në fund të jetës. Shkolla e qenve të policisë thote se ka 80 qen në detyrë, të specializuar për detyra të ndryshme si zbulim drogash, armësh apo kartmonedhash. Mes tyre është dhe Brandy – pastori gjerman që u bë i njohur gjatë punës së kërkimeve për të mbijetuar në tërmetin e fundit të vitit.