Vladimir Putin paralajmëroi se atyre që sulmojnë vendin e tij do "t'u thyejnë dhëmbët". Kreu i shtetit rus po fliste në një takim qeveritar kur bëri komentin e fortë duke thënë se armiqtë e Rusisë përpiqen t`i këpusin krahët sa herë kombi bëhet më i fortë. Se për cilët kundërshtarë e kishte fjalën, këtë Putini nuk e sqaroi. Por komentet e tij vijnë në një kohë ashpërsimi të marrëdhënieve me perendimin, e sidomos me SHBA e Nato-n. Të gjithë duan të na kafshojnë, të na këpusin ndonjë copë. Por ata që duan ta bëjnë një gjë të tillë duhet ta dijnë se ne do t`u thyejmë dhëmbët, në mënyrë që të mos kenë më mundësi të kafshojnë. kjo është e qartë. Ndaj celësi i të gjithë kësaj është zhvillimi i forcave tona të armatosura. Megjithatë, unë sërish dua të theksoj se ne nuk po ecim në rrugën e militarizimit të ekonomisë sonë. Putin gjithashtu vuri në dukje se përpjekjet e huaja për të frenuar Rusinë datojnë për shekuj me radhë. Tensionet e Moskës me perëndimin u acaruan ndjeshëm kur Rusia grumbulloi mijëra trupa në kufirin me Ukrainën, e ndonëse ushtarët rusë janë larguar prej andej, cështja ka vazhduar të shkaktojë shqetësim.