I nxehti ekstrem në Spanjë, Britani të Madhe dhe Francë këtë verë u përkeqësua nga ndryshimet në rrjedhën e rrymave ajrore , erërat e forta perëndimore që fryjnë mbi sipërfaqen e planetit, theksuan një mënyrë tjetër në të cilën ngrohja globale mund të ndryshojë klimën . Evropa Perëndimore është një pikë e nxehtë e valëve përvëluese, me ngjarje ekstreme të temperaturës së lartë që rriten tre deri në katër herë më shpejt se kudo tjetër gjatë 42 viteve të fundit, sipas një studimi të botuar në Nature Communications. Në këtë studim për herë të parë moti u lidh me lëvizjen e rrymave ajrore në hemisferën veriore. "Rrymat ajrore mund të shkaktohen nga një sërë arsyesh," tha bashkëautori Dim Coumou. "Rritja e ndryshimit të temperaturës midis tokës dhe oqeanit favorizon qëndrueshmërinë e rrymave ajrore në verë , shpjegon ai. Këto rryma krijohen kur ajri i ftohtë nga polet përplaset me ajrin më të ngrohtë nga tropikët dhe janë përgjegjës për fenomenet e motit si stuhitë, shiu dhe thatësira, fenomene këto që po ndodhin gjithnjë e më shpesh kohët e fundit. Pamjet: AFP