Fenomeni i prostitucionit po vazhdon të zgjerojë gjithnjë e më shumë aktivitetin e tij në bregdet, policia e Durrësit ka goditur një tjetër rast të shfrytëzimit të shtetaseve tē huaja për qëllime fitimi. Operacioni i koduar “Space” çoi në zbardhjen e një tjetër aktiviteti kriminal, që vepronte në plazhin e Durrësit. Pas një hetimi trejavor, u arrestuan tre shtetase kineze të moshave 41, 43 dhe 47 vjecce. Në ccastin e ndërhyrjes së policisë në apartment njëra prej tyre shihet e veshur me hixhab. Gjatë operacionit u proceduan penalisht edhe 5 shtetas shqiptarë të përfshirë në këtë veprimtari. Paraprakisht dyshohet se ata janë klientë. Gjatë kontrollit në apartament, policia gjeti dhe sekuestroi si prova materiale tre pasaportat e shtetaseve kineze, një shumë parash të dyshuar të përfituar nga prostitucioni, 8 celularë dhe 11 karta bankare të lëshuara nga banka të Kinës dhe Emirateve të Bashkuara Arabe. Operacioni u drejtua nga Prokuroria e Durrësit dhe u zhvillua në bashkëpunim me Forcën e Posaçme Operacionale. Përgjatë një viti policia e Durrësit ka goditur të paktën edhe 6 raste të tjera të ushtrimit të prostitucionit me shtestase të huaja kryesisht nga Kina dhe vendet e Amerikës Latine. Me kthimin e Shqipërisë në një nga destinacionet më të frekuentuara turistike, fenomeni i prostitucionit me shtetase të huaja ka njohur një rritje të ndjeshme në Durrës.