Presidenti i Meksikës Manuel Lopez Obrador tha sot se ka urdhëruar që dy ushtarakët që vranë dy emigrantët kubanë të dalin para drejtësise. Ai shtoi se veprimet e ushtareve ishin të pajustifikuara. Garda Kombëtare e Meksikës tha se kishte hapur zjarr kur shoferi i një makine nuk zbatoi urdhrin e ndalimit dhe tentoi të godiste mjetin e patrullës në shtetin jugor të Chapas. "Kam dhënë urdhër që anëtarët e gardës të vihen në dispozicion të drejtësisë" tha Lopez Obrador për gazetarët. Emigrantët nuk kishin qëlluar apo sulmuar ushtarët e Gardës dhe të shtënat prej efektiveve ishin në kundërshtim me ligjin, shtoi ai. Drejtuesit e një karvani emigrantësh që shkonte drejt kryeqytetit meksikan thanë se dy viktimat kishin qenë me ta, por ishin larguar prej zhurmave për aksione nga autoritetet. Vrasja ka shtuar tensionet mes autoriteteve dhe karvanit me rreth 1,000 emigrantë që tenton të arrijë SHBA.