Posterat eletoralë për zgjedhjet parlamentare të 26 shtatorit në Gjermani kanë mbushur rrugët e qendrave kryesore të vendit, si dhe sheshin para bashkisë së Berlinit. Megjithse kohët dhe teknologjia kane ndryshuar, ekspertët besojnë se posterat janë thelbësorë për fushatën e partive politike. Të shfaqura si kërpudhat pas natës, imazhet e mëdha mbushin rrugët e sheshet prej javësh në Gjermani, si për zgjedhjet e shteteve dhe ato federale. "Posterat tërheqin shikimin e kalimtarëve apo shoferëve për tre deri në katër sekonda”, tha Frank Bretshneider, ekspert komunikimesh në Universitetin e Hohenheim. Partitë politike kanë pajtuar disa nga artistët e analistët më të mirë për krijimin e posterave të tyre elektoralë. Një prej tyre është artisti i njohur vendas Klaus Shtek, shumica e veprave të të cilit janë në muzeumet e vendit, përfshirë dhe veprat provokuese. Shteck ka krijuar më parë një poster për ambjentalistët e Greenpeace in 1988 ku shiheshin dy emra të njohur të industrive kimike vendase, me komentin: "Të gjithë flasin për klimën/ Ne po e shkatërrojmë."