Pamje ajrore të publikuara sot nga autoritetet polake tregonin zbrazjen e kampit të refugjatëve në kalimin kufitar me Bjellorusinë. Rreth 2,000 emigrantët që ishin grumbulluar aty dhe jetonin në temperatura nën zero, janë vendosur tashmë në një qendër logjistike, thane mediat vendase. Edhe forcat kufitare bjelloriuse thanë se është spastruar kampi i improvizuar i emigrantëve, të cilët u vendosën në një hangar të madh avionësh pranë kufirit. Agjencia polake Belta publikonte sot pamje të emigrantëve në tapetët e ambjenteve të reja dhe shkruante se “për shumë prej tyre është nata e parë në ngrohtësi”. Minsku tha dje se tashmë janë në vend rreth 7,000 emigrantë që kërkojnë të kalojnë kufirin e BE. Autoritetet bjelloruse shtuan se rreth 5,000 prej tyre nëse dëshirojnë do të riatdhesohen, ndërsa sugjeroi se të tjerë do të merren në BE me anë të një korridori humanitar drejt Gjermanisë.