Policia australiane ka arrestuar sot të paktën dy protestues para qendrës së emigracionit ku po mbahet tenisti numër 1 në botë, Novak Xhokovic. Dashamirësit mbanin ndezur qirinj në shenjë mbështetjeje për sportistin që iu refuzua përjashtimi nga vaksinimi, dhe nuk mund të marrë pjesë në turneun ‘Australia Open’. Xhokovic është urdhëruar të izolohet në një qendër te pamirëmbajtur refugjatësh nga autoritetet australiane deri në vendimin e deportimit. Zyrtarët refuzuan dokumentacionin e përjashtimit nga vaksina për të marrë pjesë në turneun e tenisit që nis këtë muaj. Hoteli në fjalë ka qenë fokusi i disa protestave për trajtimin e refugjtëve dhe masave të rënda të izolimit të virusit Madje ne hotel jane raportuar raste të ushqimit të mbushur me krimba dhe disa zjarre kanë shpërthyer në impjantin e pamirëmbajtur. Djokovic kishte kërkuar të vendosej në një apartament me qera pasi kishte gjetur parazitë në dhomën e tij. Hoteli përdoret si një pikë qeveritare izolimi që prej dhjetorit 2020, të cilin stafi dhe të ftuarit e kanë përshkruar si një 'inkubator' të Covid.