Presidenti i SHBA Joe Biden tha të enjten se NATO do të "përgjigjej" nëse presidenti rus Vladimir Putin përdor armë kimike në luftën e tij kundër Ukrainës. "Ne do të përgjigjemi nëse ai e përdor armëe kimike. Natyra e përgjigjes tonë do të varet nga natyra veprimit të tyre." Biden tha se presidenti rus Vladimir Putin ka dështuar të ndajë Perëndimin me luftën e tij kundër Ukrainës. Putini ishte i sigurt për ndarjen e NATO-s, biseda ime e hershme me të në dhjetor dhe fillim të janarit, ishte e qartë për mua se ai nuk mendonte se ne mund ta ruanim këtë kohezion. NATO kurrë, kurrë nuk ka qenë më e bashkuar se sa është sot. Putini po merr pikërisht të kundërtën e asaj që kishte ndërmend të kishte si me hyrjen në Ukrainë. Ne ndërtuam të njëjtin unitet me Bashkimin Evropian dhe tG7. Udhëheqësit e NATO-s ranë dakord në samitin e jashtëzakonshëm të së enjtes që të forcojnë mbrojtjen e tyre në lindje në përgjigje të pushtimit rus të Ukrainës. Në përgjigje të veprimeve të Rusisë, ne kemi aktivizuar planet e mbrojtjes së NATO-s, kemi vendosur elementë të Forcës së Reagimit të NATO-s dhe kemi vendosur 40,000 trupa në krahun tonë lindor, së bashku me asete të rëndësishme ajrore dhe detare, nën komandën e drejtpërdrejtë të NATO-s . NATO sqaron se veprimet e tyre mbeten "parandaluese, proporcionale dhe jo përshkallëzuese" në përgatitje për një realitet të ri më të rrezikshëm. Nga ana tjetër presidenti zelensky në mesazhin e tij drejtuar natos, përvecse përsëriti apelin e tij për të mbyllur hapësirën ajrore mbi Ukrainën tha se kërkonte vetëm 1 përqind të asaj cfarë alenca zotëron në armë: Ukraina nuk ka armë të fuqishme kundër raketave; ka shumë më pak avionë se Rusia... Ukraina ju bëri thirrje për avionë, që të mos humbasim kaq shumë njerëz. Ju keni mijëra avionë luftarakë! Ne kërkuam tanke, që të mund të clirojmë qytetet tona, ku Rusia po mban peng qindra mijëra njerëz,Ju keni të paktën 20,000 tanke! Ukraina ju ka kërkuar vetëm një për qind të tankeve tuaja! Por ende nuk kemi marrë një përgjigje të qartë Por pas samitit, shefi i natos i cili mori aprovimin për zgjatjen e mandatit të tij në krye të alenacës këtë të enjte , i pyetur për kerkesën e zelenskyt tha: E dëgjuam me kujdes Presidentin Zelensky, aleatët e NATO-s po ofrojnë mbështetje të konsiderueshme për Ukrainën.NATO do të bëjë gjithçka që mundet për të mbështetur Ukrainën me armë, në mënyrë që të mund të mbrohen. Stoltenberg tha se përdorimi i armëve kimike "do të ndryshonte tërësisht natyrën e konfliktit, dhe do ishte një shkelje e hapur e ligjit ndërkombëtar që do të kishte pasoja të mëdha. ".