Ngjarja e rëndë e një dite më parë kur bashkëshorti i eurodeputetes kristiandemokrate Francesca Donato u gjet i vdekur brenda makinës së tij “Range Rover”, ka pushtuar titujt e mediave në Itali. Shtypi italian raporton sot Angelo Onorato se një arkitekt dhe pronar i një dyqani mobiliesh, i ka lënë një letër avokatit të familjes, duke i kërkuar t`i dorëzojë atë të shoqes në rast se atij “i ndodh dicka”. Në letër duket se ai shpjegon që ishte në vështirësi ekonomike, dhe hetuesit duket po e shohin mundësinë e borxheve apo të një krize financiare si arsye të mundshme për vertëvrasje. Megjithatë vetë eurodeputetja pretendon se i shoqi nuk është vetëvrarë. Ishte ajo dhe e bija Carolina që e gjetën sipërmarrësin pa jetë të ulur në vendin e shoferiti, me kokën në timon dhe një shirit plastic rreth qafës. Donato menjëherë tha se i shoqi ishte vrarë dhe se nuk beson në hipotezën e vetevrasjes, ku janë përqëndruar njësite hetimore që punojnë për llogari të Prokurorisë së Palermos. Për të njëjtën gjë insiston edhe e bija 20 vjecare, sipas të cilës i ati nuk ishte njeri që do ta kishte braktisur kurrë familjen e tij në atë mënyrë. 54 vjecarja Francesca Donato, me profesion avokate ishte rekrutuar si flamurtare nga euroskeptikët nga Matteo Salvini e cili e mbështeti atë me Legën në zgjedhjet e parlamentit europian ne 2014-tën, por shtatorin e vitit 2022 politikania e betejave kundër euros dhe kundër vaksinave në periudhën e pandemisë së koronavirusit, vendosi të shkëputej nga kjo parti dhe të vendosej në krye të shoqatës politike Rinascita Repubblicana.