Në samitin e Alaskës, Vladimir Putin e ktheu kontrollin e plotë të Donbasit – ish zemrës industrial të Ukrainës në lindje - një kusht qendror për fundin e luftës. Burime me njohuri mbi bisedimet thonë se presidenti rus insistoi që forcat ukrainase të tërhiqeshin nga Donetsku dhe Luhansku, dy rajonet që përbëjnë Donbasin, në këmbim të ngrirjes së luftimeve përgjatë pjesës tjetër të vijës së frontit. Volodymyr Zelenskyy ka refuzuar vazhdimisht të heqë dorë nga çdo territor nën kontrollin e Kievit, cka e bën Donbasin një nga pikat kryesore të përplasjes në negociatat e paqes. Një ide e tillë duket se është thelbësisht jopopullore në vend: rreth 75% e ukrainasve kundërshtojnë zyrtarisht dhënien e çdo toke Rusisë, sipas sondazheve nga Instituti Ndërkombëtar i Sociologjisë në Kiev. Përpjekja e Putinit për të dominuar rajonin daton që nga viti 2014 kur Moska armatosi dhe financoi përfaqësuesit separatistë dhe dërgoi trupa të fshehta përtej kufirit. Kjo fushatë u përshkallëzua në pushtimin në shkallë të plotë të vitit 2022, kur forcat ruse pushtuan pjesën më të madhe të rajonit. Sot, Rusia kontrollon 46,570 km katrorë ose afërsisht 88% të Donbasit, duke përfshirë të gjithë Luhanskun dhe rreth tre të katërtat e Donetskut. Ukraina vazhdon të mbajë disa qytete kyçe dhe pozicione të fortifikuara në rajonin e Donetskut, të mbrojtura me koston e dhjetëra mijëra jetëve. Më shumë se 250,000 civilë mbeten në pjesët e rajonit që janë ende nën kontrollin ukrainas. Një shkurtim i emrit Pellgu i Donetsit, Donbasi është konsideruar një zemër industriale në Ukrainën lindore e pasur me qymyr dhe industri të rëndë. Ai ka qenë prej kohësh një nga rajonet kryesore rusishtfolëse në Ukrainës, i formuar nga valët e emigrimit rus gjatë fushatës industriale sovjetike që i shndërroi minierat e qymyrit dhe uzinat e çelikut në motorin e Bashkimit Sovjetik. Censusi sovjetik i 1989-tes e vendoste popullatën etinike ruse të Donbasit në nivelin 45%, ndërsa të dhëna të vitit të kaluar e ulin këtë shifër në 38%, por edhe kjo kontestohet si e pavërtetë dhe e diktuar ndoshta nga politikat e Moskës në zonat e kontrolluara prej saj. Frika sakaq është se edhe po mori Donbasin, ambicjet territoriale te Putinit mund të mbyllen aty, pasvarësisht se ai thuhet t`i ketë premtuar Trumpit në Alaska se në këmbim të Donetskut dhe Luhanskut, do të ndalë avancimin e mëtejshëm dhe do të ngrijë vijën e frontit në rajonin jugor ukrainas të Khersonit dhe Zaporizhzhisë, ku forcat ruse kanë kapur gjithashtu zona të konsiderueshme.