Avionë e helikopterë zjarrfikës shiheshin sot duke punuar për të kufizuar zjarret shkatërrimtare në pyjet e Tamarack në kufirin mes shteteve amerikane të Kalifornisë e Nevada. Zjarret besohet se kane djegur deri tani më shumë se 10 000 hektarë pyje teksa vetëm një pjesë e vogël është mundur të kufizohet nga autoritetet. Zjarri i Tamarack nisi në jug të Liqenit Tahoe në Kaliforni dhe vazhdon të fitojë terren që prej nisjes nga rrufeja më 4 korrik. Kushtet e thata klimatike dhe erërat e forta kanë ndihmuar në përhapjen e tij. Të paktën 2 mijë njerëz janë evakuar deri tani ndërsa dhjetra shtëpi janë djegur e qindra komunitete të tjera kërcënohen.