Autoritetet ruse arrestuan nën akuzën e spiunazhit diplomatin ukrainas Oleksandr Sosonyuk, një veprim ky që i ndez akoma edhe më shumë tensionet e përshkallëzuara mes dy vendeve dhe frikën se situata mes tyre mund të përfundojë në luftë të hapur. Sosonyuk, që punonte që konsullatën ukrainase në Moskë, akuzohet se ka nxjerrë informacione të klasifikuara nga databazat e se diplomati ishte japur me presh ne duar teksa merrte nga një qytetar rus “informacione të klasifikuara edhe nga vetë baza e saj e të dhënave”. Arrestimi erdhi pak pas lajmit se Rusia po shton praninë luftarake në Detin e Zi. Dy anije luftarake ruse kaluan ngushticën e Bosforit ndërsa 15 anije më të vogla u vendosën në det. Përforcimet detare ruse përkojnë me shtimin e trupave të shumta pranë kufirit me Ukrainën, të përshkruar nga Moska si një stërvitje të përkohshme mbrojtjeje. Veprimet vijnë pas shkallëzimit të luftimeve në pjesën lindore të Ukrainës mes seperatistëve të mbështetur nga Rusia dhe forcave qeveritare ukrainase. Marrëdhëniet e Rusisë me Uashingtonin, i cili anuloi dislokimin e dy anijeve luftarake amerikane në Detin e Zi javën e shkuar pas reagimeve të ashpra të Kremlinit, janë në nivelin më të ulët që nga Lufta e Ftohtë.