Partia Demokratike nuk do ketë më dyert e blinduara të vendosura nga Lulzim Basha për tu mbrojtur prej Sali Berishës. Sic duket vendimi është marrë nga Enkelejd Alibeaj tre ditë pasi ai mori stafetën e drejtimit të demokratëve pas presionit të shtuar të deputetëve rebel. E kthyer në simbol, heqja e blindimit të PD shihet si derë e hapur për lehtësimin e dialogut me deputetët e pezulluar, të cilët janë rreshtuar krah Sali Berishës që kundërshton propozimin e kryesisë për ngritjen e një grupi negociator për bashkimin e partisë.