Lulzim Basha ka dhënë dorëheqjen nga posti i kreut të PD dhe është larguar i buzëqeshur nga selia blu teksa shoqërohej nga krerët e degëve. Mësohet se do të darkonin bashkë. Para se të largohej, Basha i tha: “Ju ftoj të vazhdojmë bisedën jo këtu, por në një mjedis afër, të ndajmë bukën bashkë, të bisedojmë të çliruar. Nga ju pres bashkëpunim, koordinim, takime të vecanta 24 orë.” Në mbledhjen me grupin parlamentar dhe kryesinë, Basha tha se ka marrë vendimin të bëjë hap pas duke u tërhequr nga posti por do të vazhdojë të punojë për ringritjen e PD dhe bashkimin e demokratëve, por në asnjë moment nuk e përmendi Berishën.