Në pamjet ajrore shihet festivali Astroworld në Houston, SHBA, ku ngjeshja e turmës drejt skenës së këngëtarit Travis Scott la tetë njerëz të vdekur dhe shume të plagosur. Skena tragjike kaosi e paniku u shpalosën mes 50,000 pjesëmarrësve të koncertit të reperit Scott. "Lëvizja e turmës nisi të shkaktonte panik, njerëzit nisën të humbnin ndjenjat dhe kjo e shtoi panikun”, tha kreu i zjarrfikësve të Houston, Samuel Pena. "Kemi tetë viktima të konfirmuara dhe dhjetra të palgosur”, tha ai duke shtuar se shkaku i saktë i vdekjeve do të jepet pas ekzaminimeve mjeksore. Pena shtoi se 17 njerëz ishin dërguar në spital, 11 prej të cilëve me arrest kardiak. Ndërsa rreth 300 të tjerëve u ishte dhënë ndihmë në vendngjarje për plagë më të lehta, thanë autoritetet. Të mbijetuarit përshkruanin skenat kaotike të njerëzve të shtypur me njëri-tjetrin, shumë prej të cilëve nuk arrinin të merrnin frymë. "Ne mbaheshin te njëri-tjetri që të mos ndaheshim nga turma. Nëse lëshoje kapjen, turma të merrte me vete”, tha një nga te mbijetuaitr.