Presidenti amerikan Joe Biden njoftoi se SHBA do t`i tërheqë trupat nga Afganistani në 11 shtator të këtij viti, duke zgjedhur kështu një datë simbolike për lëvizjen e madhe, 20 vjetorin e sulmeve terroriste në Nju Jork dhe Uashington. Lajmin e dhanë fillimisht agjensia e lajmeve Reuters dhe gazeta Ëashington Postm që cituan burime të brendshme megjithatë Biden pritet t`i bëjë dhe vetë shumë shpejt publike planet e tij. paraardhësi i vet, Donald Trump kishte rënë fillimisht dakort me militantët talebanë për tu tërhequr në 1 maj. Por trupat amerikane tani do të qëndrojnë në vend përtej datës së negociuar dhe milicia terroriste kishte kërcënuar t`i sulmonte nëse nuk tërhiqen nga vendi ashtu sic është rënë dakort. Biden është nën presionin të vendosë shpejt largimin e ushtarëve amerikanë, pasi nga kjo varet vendosja e trupave të tjera ndërkombëtare në Afganistan. Ishte operacioni ushtarak ndërkombëtar atje në vitin 2001 që çoi në përmbysjen e regjimit të talebanëve, të cilët refuzuan të ekstradonin shefin e Al Kaedës, Osama bin Laden. Në këmbim të premtimit të Trumpit për të tërhequr trupat deri në maj, talebanët nisën bisedime të drejtpërdrejta paqeje me qeverinë në Kabul, të cilat kanë vazhduar në Emiratin e Gjirit të Katarit që nga shtatori, por deri tani nuk kanë pasur ndonjë përparim të dukshëm.