Më shumë se 1,000 njerëz u mblodhën të shtunën në kryeqytetin kroat duke akuzuar qeverinë për korrupsion. Tubimi u organizua nga forcat opzoitare ndësa thirrjes së tyre iu bashkuan qytetarë të shumtë. Nën moton “Mjaft”, tubime të ngjashme u mbajtën dhe në qytete të tjera të Kroacisë. Protestuesit marshuan në qendër të Zagrebit me pankarta të ndryshme në duar kudnër qeverisë ndërsa valvitnin flamuj kombëtar. Ata brohoritën kundër kryeministrit Andrej Plenkoviç duke kërkuar largimin e tij nga detyra. "Mjaft me krim! Mjaft me korrupsion!", i tha turmës kreu i partisë Social Demokrate, Pedja Grbin, I cili u zotua se do ta luftojë këtë fenomen që sipas tij, ka përfshirë të gjithë kabinetin qeveritar. Madje ai premtoi se do të rikthejë dhe institucionet e pavarura. Skena politike e Kroacisë u trondit në fillim të këtij muaji nga njoftimi i Presidentit Zoran Milanoviç se donte të dilte si kandidat i social demokratëve në zgjedhje. Por gjykata e lartë I kërkoi atij se nëse do ta ndërmarrë këtë hap atëherë të jap dorëheqjen nga posti i Presidenti e më pas të garoj. Sipas analistëve dhe exitpolleve të ndryshme Milanoviç po kryeson sondazhet dhe ka rritur shanset për fitimin e zgjedhejve nga socialdemokratët. Pamjet: AFP